JAN SPAN “GOGOR LAN EGITEN ETA HOBETZEN JARRAITUKO DUT, TALDEARI GEHIAGO LAGUNDU AHAL IZATEKO”.

Gaur goizean, Jan Spanek komunikabideek bidalitako galderak erantzun ditu. Haren debutari eta ACBrako egokitzapenari buruz hau esaten zuen: “Denboraldiaren hasiera gogorra izan da niretzat, baina pozik nago taldea nola dagoen ikusita. Giro, kultura, hizkuntza… berri batera egokitzen ari naiz, baina taldearen, entrenatzailearen eta ligaren estilora egokitzeko eta hobetzeko gai izango naizela ikusten dut. Gogor lan egiten eta hobetzen jarraituko dut, taldeari ekarpen handiagoa egiteko”.

Joan den asteburuan taldeak lehen garaipena lortu zuen Zaragozaren aurka: “Bide onetik goaz, batez ere azken partida, gure lehen garaipena. Konfiantza handiagoa dugu gugan, eta eraiki dezakegun zerbait da. Gogor lan egin behar dugu, eta jokatu behar dugun bezala jokatuz, aukerak izango ditugu”.

Larunbat honetan taldeak Santiagon jokatuko du Obradoiroren aurka, “partidu ona espero dut, partida gogorra. Obradoirok denboraldi hasiera ona izan du. Ikusi dugu haien kontra joka dezakegula. Ahalik eta partidarik onena jokatzera eta beste garaipen bat lortzera joango gara”.